ننگ شان ءُ میار مہرنگ اِنت
کُل بلوچءِ گُھار مہرنگ انت
پد نہ کنزیت ئیں دُشمنءِ دیمءَ
پہ وتن سرمچار مہرنگ اِنت
شار تئی جنت بیرکءِ رنگءَ
آجوئی ءِ توار مہرنگ اِنت
لوگ لوگءَ ودی بوہان اِنت نام
چاریں کُنڈءَ بچار مہرنگ اِنت
نام یکّے توار باز ئیگ اِنت
یک سرئے سد ھزار مہرنگ اِنت
بِرات زندانءَ پرچا بندیگ اَنت
اے گماں بے کرار مہرنگ اِنت
جُہد راہءَ در اتکہ جُنزان اِنت
راہ پہ راہ بار بار مہرنگ اِنت