تو زپتیں زہیراں گوں ایرجیگ بہ کن مارا

تو زپتیں زہیراں گوں ایرجیگ بہ کن مارا

بیا واہگ ءُ مہرانی بندیگ بہ کن مارا

ہر سہت گُشے سالے ہر سال گُشے قرنے

تو تْرانگءِ کیفانی تنیگ بہ کن مارا

ہؤ باند کئےءَ دیستگ تو دست شناسے نئے

ہر رنگ کنئے دلبر، مرچیگ بہ کن مارا

تئی مہر ءِ دگہ تہرے ءُ شہرءِ دگہ دوداں

بیا دوست گْورا کن تو کنڈیگ بہ کن مارا

مئے لوٹ ءِ شِکم ہورک اِنت ءُ واہگاں سدرنگیں

تو گیش بہ کن درداں دردیگ بہ کن مارا