غنی ابدال

شئر9

غنی ابدال ءِ شئر (9)

چوں گْوزَت ماہ ءُ سال زانت ہر کس توبہ توبہ مئے ہال، زانت ہر کس

ماہ گوستگ اَنت سال اِنت پدی گارئے نہ بہ ئے انگت ودی

مدام رھچار بنت راہ ءَ ھما، کہ گار بنت راہ ءَ

درداں دل اِنت آباد مَے ارش ءَ رو اَنت پریاد مَے

نہ شنز اَنت نود بھارے نئیت داں چمّاں ارس ءِ ھارے نئیت

بیا پہ منی رکینّگ ءَ کہ آس روک اِنت سینگ ءَ

منی بیچارگیں پِشّی ترا اچ من رزا اِنت نوں

کتگ داں دیر ءَ ھَبر گوں سِنگاں ما مرچی مِیڑینتہ سَر گوں سِنگاں

درد مَے گندگ نہ بنت ءُ ٹپّ پیشدارگ نہ بنت مَے وَ ھنچیں کسّہ اَنت گوں ھرکس ءَ آرگ نہ بنت