لیاقت امین

شئر10

لیاقت امین ءِ شئر (10)

چو تئی بچکند ءِ زیمر پُرشتگ اَنت بیگہ اِنت دریاءَ جمبر پُرشتگ اَنت

مُج ءُ تاموریں گیابانے نیامجی ءَ

دَریں جہانے ٹہیناں گوں پور ءُ استالاں وت ءَ زمین ءَ رسیناں گوں پور ءُ استالاں

ہما اِنت دانکہ اَنّیگ ءَ ٹٹاتہ جمبرے ءَ آزمان ءِ دل

اے زردیں جنگل ءِ درچکانی پیژگاہ ءَ تئی سبزیں مانش ءِ شَک ءِ سرا مرچاں

جاہ ءُ در گپتگاں تہاری ءَ مئیم سر گپتگاں تہاری ءَ

چو سرگوات ءِ تب ءَ منزل روان اِنت کپوتے آزمان ءَ بل روان اِنت

ماہ ءِ دل روک اِنت شپ ءِ نیم ءَ سَرین ءَ آس پِر آس پلگاریں چراگانی جبین ءَ آس پِر

تنیگہ پاس نہ پُرشتہ کہ بوتگوں تہنا نوں ماہ ءِ رنگ لَگُشتہ کہ بوتگوں تہنا

ودارءِ روچ دنزیں چمّےءَ اِیر برت دو ہپتگ بیت،