رفیق نواب
شئر10
--
رفیق نواب ءِ شئر (10)
دستونک
ابرمی دوچے کٹور ءِ تنگھی
ابرمی دوچے کٹور ءِ تنگھی نودی سرشنزاں کپوتے پچدرھی
دستونک
مھبت ءِ کے سواساں راست بہ کنت
مھبت ءِ کے سواساں راست بہ کنت جنت ءِ کے سواساں راست بہ کنت
دستونک
پہ چیپاں موری ءَ روک کن چراگاں
پہ چیپاں موری ءَ روک کن چراگاں شپ ءِ تاموری ءَ روک کن چراگاں
دستونک
جنگانی جلکشان زیبا انت گلزار بلوچستان منی
جنگانی جلکشان زیبا انت گلزار بلوچستان منی آدینک زِھانی کیدءَ انت گلزار بلوچستان منی
دستونک
رھنیں مندریک سیمرگاں آزرات کتگ
رھنیں مندریک سیمرگاں آزرات کتگ تئی زیبائی مرگاں ونتگ یات کتگ
دستونک
ھوا ءِ ارس ءِ جنازہ ھواءِ دزگھاراں
ھوا ءِ ارس ءِ جنازہ ھواءِ دزگھاراں پرشتھانی کلم ساربان ءِ آیاتاں
دستونک
اے جنگ ءِ مھرءِ ھون منی شہ رگاں تچیت
اے جنگ ءِ مھرءِ ھون منی شہ رگاں تچیت وارس زمین ءُ ھاک ءِ نگھبان بنت تئی
دستونک
کٹینگ ءَ انت جلیں تراک ءُ شورھاں سرگوات
کٹینگ ءَ انت جلیں تراک ءُ شورھاں سرگوات گلاب ءِ پل ترا گلزمینی امرے بات
دستونک
سیمہ ءَ آدینک گون انت سمی ءَ مزواک گون
سیمہ ءَ آدینک گون انت سمی ءَ مزواک گون ماھل ءِ جالاریں دوچاں سرمچاریں تراک گون
دستونک
ھر جاگہ رد کپتیں نواب آدینک ءَ مردم چار اتگ
ھر جاگہ رد کپتیں نواب آدینک ءَ مردم چار اتگ چہ دامن ءَ گوستیں نواب آدینک ءَ مردم چاراتگ