استاد عبدالمجید گوادری

شئر7

استاد عبدالمجید گوادری ءِ شئر (7)

کوکر نُگرھیں مانشان انت رُمب اِیت چہ زر ءَ سارتیں کَوش

شہم پِر بندکن اَنت سگارانی سینہ کَپ کَپ بنت تلارانی

چکیں بلوچانی، مَا چکیں بلوچانی مئے ترس ءَ زمین لرزیت، مئے بیم ءَ کلات جکسنت

او! کرن ءِ نوکیں نوبت ءِ پیڑآپ ءِ اَرساں شُشتگیں

رُمبے پکیر اَنت ءُ رُمے گدا پکیر ھُیر لوٹ اَنت پہ نام ءِ ھُدا

زِرد ءِ وابانی گاریں مارِشت ءَ زپتیں زھیرانی زَیمیں ترامبال اَنت

بلوچ ءِ بے سَمائی ءِ اِیرھت باریں کَدکُٹ اِیت کدی باھند ءِ جوھاری رگامے بَیت مئے راج ءَ