دراتکگاں چہ گس ءَ زندگی ءِ شوہاز ءَ
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
دراتکگاں چہ گس ءَ زندگی ءِ شوہاز ءَ
چو گوات درپہ دراں ایوکی ءِ شوہاز ءَ
من شپ وتی نہ کتگ سہب کیف جاھے نیست
وتا من گار کتگ بے وتی ءِ شوہاز ءَ
ادا چہ ہچ دگہ جند ءَ ابید گندگ نئیت
حیال دور شتگ شاعری ءِ شوہاز ءَ
من جند ءِ میتگ ءِ کوہنیں مسیت گار کتگ
گوں جاہلاں شتگاں سرپدی ءِ شوہاز ءَ
کئے اِنت سربتگیں قاضی ءَ بہ کنت سرپد
پہ کوہ ء قاف شتگ شہ پری ءِ شوہاز ءَ