من وتی گنوکی ءِ راز ءَ در برگ لوٹاں
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
من وتی گنوکی ءِ راز ءَ در برگ لوٹاں
راہ بارت کجام نیم ءَ من کجا رؤگ لوٹاں
میتگ ءِ چراگانی وٹ نزور تران آنت
شپ ہم پہک دمبرتگ من اوں انسرگ لوٹاں
نہ کسے پہ زیارت ءَ بئیت نہ پہ چاپ ءُ چوگان ءَ
انچیں جاہگے مہر ءِ میّت ءَ برگ لوٹاں
داں پُرانی دنزے ہم پشت مئیت اے بحت ءَ
من تئی زہیرانی آچش ءَ بلگ لوٹاں
مرچی ئیں بنی آدم درشتگ چہ مارشت ءَ
گندمنی دل ءِ لوٹ ءَ مرد مے کُشگ لوٹاں
بلکیں سرکتاباں بیت راج دپتر ءَ مئے نام
قاضی من چو سقراط ءِ کُچلے ورگ لوٹاں