تئی مہپرانی یاتءَ استال واب کپتنت
کشّئت صباءِ گْواتءَ استال واب کپتنت
یک ماہے رژناہ اِنت عہدانی کوہ ءِ ٹُلّ ءَ
زہیرانی کورچات ءَ استال واب کپتنت
تئی یات ءِ بادگیرءَ مہرانی روچ شہم اِت
مئے تْرانگءِ کلاتءَ استال واب کپتنت
تو مہپراناں شنگینت دیم گپت غمانی ماہءَ
بیکانی ایرگْواتءَ استال واب کپتنت
دردءِ بہشتءَ باگیں تو نورؔ سر نہ بوتئے
کَے گْوست غم ءِ صراط ءَ استال واب کپتنت