واب واب چمّانی ملگزار ویران اَنت
دل ابیتک پُلانی ریگزار ویران اَنت
ترانگانی مُرگاپ ءَ گواڈگے نہ شپ بُلے
ہلک ءُ ملک ڈکال اِنت درچک ءُ دار ویران اَنت
پہ وتی وطن مات ءَ حون ءِ ہوردگاں گیچیت
سرمچاری ءَ جیڑاں کوہسار ویران اَنت
دیدگانی آپ بنداں ارس ارس تہنائی
مئے ہتم چو تاکریچ ءَ تو بچار ویران اَنت
کئے بزانت چارکنڈ ءَ چوئیں بے اِنانی یے
ماہ ندارگاں کپتگ بامسار ویران اَنت
شگرب ءَ بگر قاضی داں کہ مگرب ءَ کائے
شیشگانی آبریچ ءَ آپ ءُ ہار ویران اَنت