سؤت پر بنداں ندْارہ کن منا
دل منی چو بلبل ءَ الہان کنت
سوچکی یاتانی چیر سوچان کنت
بیرمیں دانکے کپیت گوشاں منی
روچ مہتل ”ماہ ءِ دروازگ پچ اِنت“
رولہی اندام کنت امروز ءِ تب
دیدگاں ماندار گوں زِرکوش ءِ مسکیں شیکگاں
ماں دل ءَ پر گوْستگیں بیرے بہ جل
گنددنیا ءِ دوروچی دْروشماں
بام چہ کُبلیں دْریچکاں پچ رِچیت
ناز بو ءِ پُل زَریت کئیفاں وتی تئی ہیربوئیں زانسراں
تو اوں ہیناریں وتی ڈیل ءَ بہ پر مالاڈکی
چو کئے ءَ گشتگ ترا ٹیٹل منی
تئی زہیر وابانی دیما رہن بنت
سال پدکنزاَنت ءُ نوک ءُ کوْہن بنت
ماہماوڑ پشت کپیں
ماہماوڑ است بئیں
گوں تئی یاتان ءُ گنجیں تْرانگاں