کریم دشتی

1939-1984 واجہ کریم دشتی 1939ءَ دشت کنچتی ءَ ودی بوت، بنداتی وانگ، پرائمری اسکول کوشکلات ءَ، او دہمی جماعت 1960 ءَ ماں تربت ءِ اسکول ءَ او پدا گورنمنٹ ڈگری کالج کوئٹہ ءَ داخلہ ئِے زرت، 1964 ءَ چہ پنجاب بورڈ ءَ بی اے ئِے کت چیزے وہداں ”ٹرائیبل پبلسٹی آرگنائزیشن“ ءَ کارئِے کت۔ چرے کار ءَ دلپروشی ءَ ءَ پد ماں تربت ءَ کلاتک ءِ اسکول ءَ ہیڈ ماسٹر ءِ حیثیت کار ئِے کت۔ 20 اگست 1965 ءَ واجہ ءَ گرفتاری ءِ آرڈر بوتنت۔ او اے کار ئِے یلہ دات ماں عربستان ءَ درانڈ یہہ بُوت مزنیں مدّتے ءَ پد واترّ اِت ءُ وتی ملک ءُ ڈگارانی سرا زمینداری ئِے کت۔ راجی ءُ چاگردی کاراں دزگلائش ات کہ سیاہیں زردوئی ءِ نادراہی گْور جت۔ بلے اے نادراہی ءَ آئی ءِمڑاہ ءُ میارجلّی ءِ دیم داشت نہ کت۔ تانکہ آئی ءِ کوہیں جگر ءِ چُنڈے سراتکگ ات۔ او ناں دگہ کسے ءَ را مارگ ءَ اِشت ئِے کہ من نادراہاں ءُ پہ شانیں زندگ ات بلے زند ءُ مرگ ءِ ہمے جنگ 1984 ءَ 45 سال ءِ عمر ءَ ہلاس بوت مرگ سوبین بوت۔ بلے کریم دشتی منَت۔ دل زَریت بولان (۲۰۱۵)، بلوچی اکیڈمی کوئٹہ