دل کہ است ءَ شُت چہ دست ءَ دیم پہ دیم ءَ
دیدگانی تیراں سُپتہ دیم پہ دیم ءَ
ما موالی ما گنوک ابدال بُوتیں
تو منارا نامے بستہ دیم پہ دیم ءَ
مارا چے سُد نشتگیں ما راہسراں
ساھتے بیت دوست گوستہ دیم پہ دیم ءَ
وتسرا بچکندیت ءُ وت کنت حبر
وھدے آ آدینک ءِ نشتہ دیم پہ دیم ءَ
مارا زُلپ ءِ وت کُتہ بندیگ تو
دامیں مسکیں مَھپَر رستہ دیم پہ دیم ءَ
نہے تئی جلوائے جل سگگی
ھر کسے نشت ءُ آ سُتہ دیم پہ دیم ءَ
تئی اُوں ھُوش اشک ءِ تہا برجاہ نہ ایں
تو کنے دشتی ءِ جُستہ دیم پہ دیم ءَ