تئی پگر ءُ چہ حیال ءَ من دست کشیتگ
تئی شرکنیں ہر گال ءَ من دست کشیتگ
است ئے اگاں نسیب ءُ منی تالہ ءَ تو
چرے بھت ءِ ہم استال ءَ من دست کشیتگ
دل بستگ ات ہموک تئی زلپانی ریز ریز ءَ
یک یکا زلپ ءِ ٹال ءَ من دست کشیتگ
عشق ءِ توامیں کسہ بوت انت بے ثمر
گیمرتگیں کُجال ءَ من دست کشیتگ
حُسن ءِ تئی حزانگ گراں قیمت ئے اگاں
چہ گوہر ءُ لعل ءَ من دست کشیتگ
مہرانی داستان ءِ جستہ مہ کنت کس
اے بے نپیں سوال ءَ من دست کشیتگ
دو رُوچی واھری ءَ دشتی تو سر بہ گواز
بے سُودیں جنجال ءَ من دست کشیتگ