کدی پَسّند ءُ کدی لشکر ءِ تنھائی ءَ
کے بدنت مانا منی ظاہر ءِ تنھائی. ءَ
من تئی مجلس ءُ دیوان ءَ گَلءَ شاداں اگاں
کس نزانت دوست منی اندر ءِ تنھائی ءَ
شر گوازیت زند منی زُلپ ءِ بہ بن زندان ءَ
مسکیں ملگور ءُ بزِں مھپر ءِ تنھائی ءَ
ھچ گم ءِ چُولاں نہ مرّینتہ تیابیں اے دل
چم آشنا آں وتی پہ زِر ءِ تنھائی ءَ
ما بے باج ایں چہ دنیائے دگہ آس و چراں
اے جگر سُتکہ دل ءِ انگر ءِ تنھائی ءَ
در ءُ دیوالاں منی مکتب ءَ اُستاد ءِ بدل
تو اگاں ساھت ء بجل دربر ءِ تنھائی ءَ
من وتی زند ءَ نہ دیستگ چُشیں ھاموشی
چِتُو اے زند گوازیت آسر ءِ تنھائی ءَ
اِمبراں پرچے بے چاڑاں دل ءِ کوہ ءُ دمگ
بیا برکینیت منا اِمبِر ءِ تنھائی ءَ
چم ارسیگ بنت دشتی بھِارانی رِد ءَ
زید مُوجائیں چیا ۔ کُلبر ءِ تنھائی ءَ