مہر ءِ آسے دل ءَ بلّگ لوٹاں
تئی غماں سرجم ءَ سچّگ لوٹاں
پَشت کپاناں مدام چہ ہمراہاں
ساری ءَ منزل ءَ رسّگ لوٹاں
دلجمیں دژمنے نہ گنداں من
جند ءِ برات ءَ وتی کُشّگ لوٹاں
گّز چہ ہُنڈالاں اُشتراں چراِتگ
من چش ءَ بینگے گّرگ لوٹاں
گوں وتی لنگ ءُ پرشتگیں پاداں
عشق ءِ بادگیر ءَ سرکپّگ لوٹاں
گُل ہمک روچ ماں دل ءَ جیڑیت
ہجگیں پُلے بہ باں سرپّگ لوٹاں
بس اِنت شادوگری یک عمرے بیت
من وتا مردمے کنگ لوٹاں
زندگی ءَ چہ پہک دمبرتگ
ستک ءُ باور بکن مِرّگ لوٹاں