نندے پُلانی ردءَ کُنٹگاں ہمباز کنے
تو سرا ہوش ئے جہانءَ وتی ہمراز کنے
روچے بوتامے تو بندے منی اروائے دلءَ
زاناں یک پندلے پماں تو دگہ ساز کنے
توئے سرپد تئی دیدار ءَ دل چون زدیت
تو منا گندے پمیشکا تو ٹھل باز کنے
تئی ستر مہرءِ طلب گار بہ بیت شھر توام
مئے وڑیں سر وتءِ اشکءَ توچون گواز کنے
تو بتاپین مئے دلء شاد کجا تئی دل بیت
تو بہ کن زگر ءَ ھدائے اگاں نماز کنے
اے منی زندءِ تہا تو منا ڈالچار کتہ
اچ منی رند منا تو کجا شوہاز کنے
کئے ادا فہم ایت تئی سرجمیں سوجاں دشتی
تو چیا مہرءِ پڈا بے سریں واظ کنے