پچ رچاناں چو ربابانی وڑا چے بہ گشاں
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
پچ رچاناں چو ربابانی وڑا چے بہ گشاں
سر رِچاناں چو شرابانی وڑا چے بہ گشاں
آئی ءِ ہچ جاگہ نہ ونتگ بلَے من حیراناں
منا وانیت چو کتابانی وڑا چے بہ گشاں
آزمان ءَ چو زمین ءَ منا امبازاں گپت
دلبر ءِ دلبریں دابانی وڑا چے بہ گشاں
روچ کہ نور شلیت تیاب کہ سانجارہ بیت
آ سرپیت ہجگیں گلابانی وڑا چے بہ گشاں
تو نزانئے کہ چتور لوپ کننت درد منا
چو تئی ملگورانی تابانی وڑا چے بہ گشاں
اے حدا داتگیں استان ءِ عجب رہبند اَنت
قاضی درکپتگ نوابانی وڑا چے بہ گشاں