اِزّت ابدال

شئر10

اِزّت ابدال ءِ شئر (10)

گیرے منا پتاهیت کیفے کرار دنت آ آهگءَ نئیت بلئے انتزار دنت

شُتگ هرکس چداں واتر کُرتکگ منی بازیں گماں دلبر کُرتکگ

بے نامیں منزلے ءُهیالانی در کُجا سرگپتگیں کُجاءُبہ بارتیں سپر کُجا

جتہ نو موسمءَ هچ سر نہ داریت منا دیوالءُ دمکءُ در نہ داریت

تی دوریءِ پربند گوں پریاتءَ دراتکگ اے دل تی زندانی ءَ آزاتءَ دراتکگ

دل کہ تی ترانگءِ ملارءَ بیت پورا یکّے منا توار ءَ بیت

اَنچو پہ دیم هَرکَس دلبر کُت نہ کُتگ تی گِستائی زِردءَ باور کُت نہ کُتگ

پورا یکے نِدارگ ءَ ایں منا چارگءَ ایں نہ چارگءَایں منا

چم ءُدل هردو بستگاں پورا جِندے لوگءَ نہ رستگاں پورا

کاڑ ڈولداراں سَتر چاردئی ماهءَنہ گُوز اَنت مرچاں تی گم منی ارواهءِنِگاهءَنہ گُوز اَنت