احمد رحیم شئے

شئر11

احمد رحیم شئے ءِ شئر (8)

اے کارءَ بگش تو چے پیم کناں من یکے آں وتءَ دو چے پیم کناں من

ھستی ءَ باز بکن نیستی ءَ ھچ مہ گُش ھچ اگاں نیست گڑا زندگی ءَ ھچ مہ گُش

ھمائیں عشق ءِ سر گار انت منی دیریں تلب کشتگ انت ءُ رودینتگ دل

گوں گماں سرگراں ءُ رواں ایوک ءَ نوں بگندے دوبرمن نئیتک آں پدا

روک بیت آس مریت گلہ کنت آ منی دستاں رچیت گلہ کنت

آپ آسءِ سرا کہ گندگ بیت غم تئی بلکیں تہا زندگ بیت

شہر ءُ بازار کار ءَ نئیتک دوستءِ سنگار کار ءَ نئیتک

دل منی شہرءِ دلبراں لوٹیت آ مناں مہرءِ راہسراں لوٹیت