انچو اے دل تئی آژنا بہ کتیں
اَچ وت ءَ ساھگ اوں جُتا بہ کُتیں
پاداں دمبرتگ دل ءِ ھمراھی
نوں بہ زُرتیں سپر سر ءَ بہ کُتیں
نوبت ءِ اشرپی پُلکاں کپتگ
شیشگے بوتیں ما سپا بہ کُتیں
بس ھمینچو من ءَ بہ دیستیں تو
بس ھمے ھدّ ءَ روژنا بہ کُتیں
مرچی پنّڈوکے شُدیگ ءَ وپتگ
دل پکیریں وتی بھا بہ کُتیں
ما نہ دیستگ تئی شنگیں مھپر
روچ بیارتیں ءُ ساھگ ءَ بہ کُتیں
موہ نہ داتگ منیر تئی درداں
ما وت ءَ چارگ ءِ وڑ ءَ بہ کُتیں