گسد مانریچ اندیمیں دْریچکاں
گوں آپ ءِ زم زم ءَ دروازگاں شود
زہیر نالیں کسانیں بلبلے بو
ابیتکیں شانتلے بو
رتب، کانیگ ءُ کہناں سرگوْزاں کن
بہ چم چو دیگریں زند ءِ چراگاں
بہ رج بانور ءِ داب ءَ
بہ شود جان ءَ گوں انگور ءِ شراب ءَ
پہ دابے سارچ گالاں آسگواریں
برے آپ ءِ برے آس ءِ وڑا بو
برے جنگل برے شہر ءِ وڑا بو
برے چو بالو ءَ بوملپدانی
پداں یک جاہ بکن پاد ءِ پدانی
زمانگ چپ ءُ راست ءِ مطلب ءَ زانت
بَلے من ہچ نزاناں
بَلے تو ہچ نزان ئے