استالانی گردشت ءِ حساب ءَ چہ مہ سند ئے
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
استالانی گردشت ءِ حساب ءَ چہ مہ سند ئے
نقشے کہ ٹہین ئے تب ءُ تاب ءَ چہ مہ سند ئے
تو انگت اے بیچارگ ءِ درد ءَ نئے سرپد
بلبل کہ زہیر نالیت، گلاب ءَ چہ مہ سند ئے
بِلّے دل ءِ سیر ءَ وتی آرام کنت بزگ
دل آگہی ءِ دژمن اِنت واب ءَ چہ مہ سند ئے
انچو مہ بیت دنیا ءِ ہمک چیز بہ کنت بُن
دیم ءِ بکن پہمیان، نقاب ءَ چہ مہ سند ئے
گوں کچلاں سرریچ بکن قاضیؔ ءِ تاس ءَ
یکیں ہمے آڈال اِنت شراب ءَ چہ مہ سند ئے