ہچ دگہ درکار نیست گیشیں نہ لوٹیت جاک بس

ہچ دگہ درکار نیست گیشیں نہ لوٹیت جاک بس

مارا ماتیں گلزمین ءِ مہروانیں حاک بس

شپ جنوزامی گُداں پوشیت کہ بانوری گُداں

مئے نصیب ءَ لکتگ تہنائی ءِ پوشاک بس

آدم ءِ ادبادگ اَنت یکّیں ہمے وَلّ ءِ بر اَنت

کس مہ مانیت میر ءُ مہتر کس مہ بیت زوراک بس

من ہمک لبز ءَ چو قرآن ءَ دمان ءَ در براں

بے رمیں دز رند تئی کمیں بہ بنت واناک بس

شات باتے تو مدام قاضیؔ گوں کیف ءُ قدحاں

ما فقیران ءَ دو کلدار ءِ دپے تمباک بس