اے لوگ ءَ دُز پہ رضایے بہ جنت پانگ نیست
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
اے لوگ ءَ دُز پہ رضایے بہ جنت پانگ نیست
ترا کہ سُد ءِ سما نیست، منا اوں زانگ نیست
اے چونیں میتگے بیلاں، چے پیمیں بازارے
ہمک جاہ سنگ ءِ بت اَنت اشرفی ءِ چانگ نیست
بگندے گْرک پہ اے بزگل ءَ بہ کنت بزگ
رْمگ پہ دیم روان اِنت سروک ءُ شوانگ نیست
نوں گُڈی شئور ہمیش اِنت کہ وتکشی بکن اَنت
کتاب چول بکن اَنت مکتبی ءُ وانگ نیست
خدا بزانت ما کجام دؤر ءَ زندگ ئیں قاضیؔ
منی ءُ تئی وڑیں بنی آدم ءَ زمانگ نیست