درداں گوں نہ نِندئے، دِل ءِ سرگوٛست ءَ نہ زانئے

درداں گوں نہ نِندئے، دِل ءِ سرگوٛست ءَ نہ زانئے

داں نیستی ءِ آس ءَ نہ سچ ئے، است ءَ نہ زانئے

بکشائیت دوئیں ڈیل ءِ چراگاں تئی دوار ءَ

تو انگت وتی واہگ ءِ سرمست ءَ نہ زانئے

جزماں توبہ گندئے منی دوست ءَ یک دمانے

درکئیت انت چے پیم ءَدل چہ تئی دست ءَ نہ زان ئے

ارمانی ءِ انگت کہ بہ لِک ئے دگہ بابے

ماں زیمیں دل ءَ درد ءِ قلم نستہ نہ زانئے

داں دل وتی دردانی زمین ءَ نہ کنت سجدہ

شیر گونگ ءِ زہیرانی ہتر دست ءَ نہ زانئے