دل ءِ سوز مہ کُٹیّت دُعا ءَ آں
سرا عشق مہ چُٹّیت دُعا ءَ آں
اِے دہر ءِ زِر ءَ مئے اوستانی
یکدار مہ بُکّیت دُعا ءَ آں
شئےؔ قول ءُ وفا ءِ گوٛازیءَ
ترا رندے مہ کٹیّت دُعا ءَ آں
پہ طوق ءَ گوٛر ءِ مئے، زلفانی
آ،ٹالے بہ سِندیت دُعا ءَ آں
دل ءَ گپاں گُل ءَ را گُشت بکنت
لِلک مے مہ مُکّیت دُعاءَ آں
آ، ہر شپ سِتک ءِ بان ءَ بئیت
در ءَ واب ءِ بُہ ٹُّکیت دُعا ءَ آں
تئی دُوری ءَ اکرمؔ گیمرتگ
پُل سُہباں بُہ ترٛکّیت دُعا ءَ آں