دِل مئے آپی سِنگ ءَ رسینتگ مردُمے ءَ
عُمرے بیت کہ مارا ھزینتگ مردُے ءَ
پُرّیں واب ءَ جاہ سِرّاں گریواں نالاں
باریں مئے چُنت ٹّپ کُدینتگ مردُمے ءَ
دُنیا چو بانور ءَ اَت سک شوک اَت شپ
دوشی وتارا شر سمبھینتگ مردُمے ءَ
نالیت شپ روچ گوں بژنیں پِریاتان اِنت
مارے آستونکءَ رودینتگ مردُمےءَ
ما اوں شمُشتیں درائیں درد ءُ اندوھاں
مارا کُّٹ ءَ کہ واپینتگ مردُمے ءَ
انچیں انچیں دروگے بستگ توبہ کن
شیطاں شومیں مئے کندینتگ مردُمے ءَ
چو لیبو ءَ لیبے کُتگ گوں واھِشتاں
دِل کودِکیں بس ریپینتگ مردُمے ءَ
ما گوشتگ کہ میر من بے تو بوت نباں
اِنا گوشتگ سر چنڈینتگ مردُمے ءَ