گڑوندیں ڈکال ڈیہہ ءَکفت ءَ
سیماں سدھاں دیم ءَ رفت ءَ
مالاں مرگاں ساھے مخت ءَ
فرش ءَ بریں گھاڑے کشت ءَ
نغندۓ جیذاں ککھا گشت ءَ
ریم رخاسے نۓ فرش ءَ رست ءَ
ٹھوبو ترائی ھڑچھی تھست ءَ
زانک جیھاں نیں تھناں کشت ءَ
بھاگی ءَ مالاں ڈھوآں پشت ءَ
آالم ھسی ھفت ءَ ھشت ءَ
ایذ ءَ داہ ماہ چھکا گؤست ءَ
ربا اے چیں اَزاوے ششت ءَ
دیثٶ من چھو توبھا کھشت ءَ
ڈکھ وتن ءِ دلڑی چیراں
گؤڑتھا چماں انڑساں نیراں
مالک اگ ءَ دست ءَ زیراں
را کھاں کلیں ٹکاں ٹیراں
ہلھوناں ٹکاں مناں پیراں
کڑدے اژماں سرو دیراں
پیر فقیرئے بڑزیں سائے
جھنڈول ءَ جزوں بیا ئِے
من تَہ روغاں ار شما کاے
پیشی سٶناں نۓ نوخیں راے
سِرف ڈلگۓ چیں ڈا بھاے
بیاۓ چکاں الله بیاری
ایذ ءَ یک ءَ شٸیگْیں باری
ما گناہ گار مٸیگْیں زاری
پیر سوالاں نۓ ایذا داری
داثش کرغ ءَ کلاں تاری
الله ھئورا ھرب ءَ کھاری