کوہلو منی مِسکیں ڈغار
اے توکلی مستئے دیار
دوریں دِلانی ئے کرار
میریں مری آنی دوار
اے مئے وتن، ملک ایں منی
اے ڈیھ ءُ اے ھَلک ایں منی
وشھال با کوھلو مدام
مئے راج گوں کوم ءَ توام
جی اِیں تئی گٹیں گراں
کوہانی وشیں درژبراں
بیر ءُ کُنر ءُ کونراں
درشکاں کہیر ءُ بَبُراں
مرگانی رَم ءُ ولھراں
سُھب ءَ کفوتئے زیمراں
کوَگ ءُ شفانی شفچراں
آھو دِے کوہانی تراں
جی پہ تئی سبزیں کشار
سبز اَنت تئی کوہ ءُ تلار
”کوہاں بہوخیں آفشار
تُرندآفی چو کنت ملار“
راج مری با وشھال
شَریں ثقافت ھال ھوال
گِندئے اگر چیاریں گوئر ءَ
ھِچی نہ گِندئے سردر ءَ
لٹ ایں ماں دست ءَ پاغ سرا
میریں مری آں تیوغ ءَ
مہمان نواز، بے دروہ دَغا
کپتہ دِل ءُ نئیں کہ بَغا