عشق ءِ اندیم اِنت کساس! کم کُجا؟ باز کُجا؟
آپسرے بیت...؟ کہ بیت کچ کُجا؟ گواز کُجا؟
مہر بے مہر ءَ نہ بیت، عاشقی بے عشق ءَ نہ بیت
مئے گنوکانی دل ءَ اوشتیت چوشیں واز کُجا؟
من تئی درد ءِ سرا مرچاں حدا ءِ پیم ءَ
بے تواراں کہ کُتگ گار دل امباز کُجا؟
ہلک ءِ میر ءَ پد ءَ ہم سَنگ کت اَنت مہر ءُ بَیم
تلوسگ دردءِ کُجا؟ مہر کُجا؟ ناز کُجا؟
کرن ءِ سیل ءَ وت ءَ نادان ءَ کُجا گار کُتگ
تو آ دیوانگیں خانؔ ءَ کنے شوہاز کُجا؟