من ءَ پجا نیارے تو

نوں دنیا ھم زانت

تو وَ شَر زانئے

زِندَگ بوھگ ءِ ھاترا

من مِرگ زاناں

!!! کہ اَبدمان آں

ھزار نو سد چِہل ھشت میلادی ءَ چے

داں دوھزار ھپدہ ءِ راجدپتر ءَ بچار

منی زگریں ھوناں گوں چے نبشتگ

ءُ ھزاراں سالانی راجدپتر ءَ واتر منی

زوراکاں باج نہ بُرتگ چہ من ءَ

بید مِھری برمشئے ءِ سُرسازاں؛

ھچ سیمسرے داشت نہ کنتیں من ءَ

ما مُھکمیں دودانی واھُند اِنت

دو سد سال ئی بیر منی

دَھل جنت ءُ سبزیت پد ءَ

“من ءَ پجا نیارے تو”

نوں دنیا ھم زانت

تو وَ شَر زانئے

زِندگ بوھگ ءَ ھاترا

من مِرگ زاناں

کہ اَبدمان آں