مست ءُ ہوس ءُ بدکاراں
دِنگ ءُ بلاہ ءُ ناہاراں
عہد ءِ زمیں جُمب چکاس اِیت
دِیر چہ کوہاں آ دیم ءَ
دوشی گُرکاں ہُلّاس اِت
باریں شپانکاں چے مار اِت
نپت ءُ گرٛنداں شماکار اِت
مُرگ ماں درنگاں شورگپت انت
درٛچکاں چیدگ مٹینت اَنت
گوٛات ءَ بیمّے چنکان اَت
پُلاّں وشبو چیر دات انت
وائے ہما گوں ارماناں
ریک ءِ قلاتاں وش واب اَنت
جزم تلاریں بستاراں
گرنچ نہ وارت گوں بیہاراں
نود غمیگ ءُ آزاراں
سِنگ نہ گرٛیواں ، بیماراں