نہ ٹہلے نہ کرٛامے نہ گپّے نہ گالے

نہ ٹہلے نہ کرٛامے نہ گپّے نہ گالے

نہ چمّاں چہ تیرے،نہ لنٹاں شرابے

نہ بچکندگانی زروکیں گلابے

نہ گِلّہ نہ گُہماں نہ احوال ءُ حالے

نہ مہرانی سرشپ، نہ عہدانی مہکان

نہ امباز ءُ وابے نہ دست یے شہارے

نہ زلفانی کوشے نہ جیگ ءِ سحارے

نہ گیوار ءِ کلکش نہ بیکانی ساچان

ہما من، ہما تو، ہما زندگانی

ہما وہد ءِ وشیں توار سنگہانی

ہما دید ءِ لذت، ملار کندگانی

کجا شُت آسر گوات دُن ءُ مہلبانی