روش ئے ھذائ کذرت ءَ
ار تُھڑس در کَپت ءَ دل ءَ
گوشاں سَھِس ءَ ھکل ئے
چماں سَھِس ءَ دہشت ئے
جان ءَ سَھِس ءَ چابک ئے
ساھ ءَ بڑاھینت سِرگ ئے
پاذاں بڑاھینت جزگ ئے
ذاناں کہ نیں تئ ھیر نہ اِنت
مَں گوں مزاری ھلمھاں
رُنمباں تئ رَند ءَ رشاں
تئ دِہشت ءُ رُوباں کُشاں
تھ مئیں بَزے ،مں تئ بَزاں
کَول اِنت منی گو تَؤ مِڑاں
پِیشی ، پَذی ھکاں گِراں
نہ اِلاں تَرا پہ نِندغ ءَ
سِک ئے پہ وَاو ئے گِندغ ءَ
دَانکوں وَثی وَس ءَ نِیاں
سگْر ءَ سوار اِنت بے وسی
تھ سبریں زُوراخے یے
تھ سبریں زُوراخے یے