سفر بے رنگیں آچارے…
نِوان ئے نِشتگیں منءُ تَو
منا وابءِ کلمپر گون
ترا دابءِ تنّکیں شینک
بلئے موسم نہ اِنت کِشکے
مُجان اِنت دُور آدینکے
اِدا چمّے نہ استارے…
سفربے رنگیں آچارے…
اُمیتءِ بوجیءَ سوار اِنت
گْوزان اِنت میزاں میزانءَ
شپءِ دَمکءَ رُدیت بْرمشے
نہ سنجیں ساہگے روچءِ دلءَ شہمیت
اِدا بس چَول جنت دریا…
ترپوکیں مُہرگاں آسءِ بلورءَ کنت
اِدا امروز…
…گْواتءِ دامنءَ بستگ چو کندیلءَ
بہ پہریزئے