سمو ترا چے دوست بیت؟
اے ہُلکہ ءِ مِسکیں سباہانی سمین
یا جمبراں گوں گوپتگیں بیگاہ ءِ دل
سمو ترا چے دوست بیت
سمو اگاں ماہ ءَ تئی
کُل ءِ دریگ ءِ جاگہ ءَ من ایر کناں
تو چے گوشئے؟
سمو آ استال ءَ اگں
بیاران ءُ بوجیگے پَتو من اڑ کنان
دریاءِ نمبیں الوتان گوں
سر گرئے کائے پمن؟
سمو ترا چے دوست بیت
مرچاں منا دل پنت دنت
زیبائی ءَ زور ءُ تی سوتئے بکن
ءُ بیگہ ءَ سرپ بستگیں
مُرگانی دیما شانک بدئے
مرگ اوں ترا نالاں بہ بنت
من اِش کناں
سمو ترا چے دوست بیت؟
اے ہلکہ ءِ مسکیں سمیں؟
بیگاہءِ دل ،ماہ ءِ دریگ
استالیں بوجیگ یا کہ تئی
پر زیمریں زیبائی ءِ
سوتئے ماں مُرگانی دپ ءَ
سمو ترا چے دوست بیت