عمرءِ سفرءَ نوجوانی
آپسرے ءِ چہرگ انت
بس دم ءَ بالاکن
ساسارساعتے ءُ رہ بہ گر
واترّگ ءِ دربستگ اَنت
چکءَ مہ جن،
جُنزاں بہ کن
دیم پہ تہارءُ بے تواریں میتگاں
قرنانی گراں وابیں نِشان ءُ چیدگاں
عمرءِ سفرءَ نوجوانی
لذّتانی کیف گرٛنچیں ساہتے
بے بہائیں نوبتے
بام گوٛاہی وشیں وابے
بے مثالیں ٹیٹلے ءِ ٹہلیں دابے
پیالہے بنگی ملّارے
کس مہ ترسیں سرمہ چنڈے
عمرءِ سفرءِ آپسرے ءِ چہرگ ءَ
بنی آدمانی بے نوائیں
دل مہ گریوانت
چم مہ رنج انت
پادقبرءَ تچک بنت