عطا شاد

1939 - 1997 عطا شاد بلوچی زبان ءَ شاعری ءِ درپشوکیں استالے گشگ بیت ۔ آ کیچ ءِ دمگ سنگانی سرءَ 1939ءَ ودی بوتگ ءُ آئیءِ اصل نام محمد اسحٰق بوتگ۔ آئیءَ گورنمنٹ مڈل اسکول ءَ 8ونتگ ءُ میٹرک چہ پنجگورءَ کتگ۔ گورنمنٹ کالج کوئٹہ ءَ گریجویشن کنگ ءَ رند کوئٹہ ریڈیو اسٹیشن ءَ پروڈیوسرلگ اتگ ءُ پدا شنگکاری ءُ حالرسانی ( اطلاعات و نشریات ) ءِ سیکریٹری بوتگ ۔ عطا شاد ءِ شاعری ءِ درستانی شرتریں جوانی ایش انت کہ آازمی ءَ صورتءَ سرجم اِنت ءُ آئیءِ تہا نوک نوکیں چہر ءُ شبین گندگ بوتگ ۔ عطاشاد ءَ بلوچانی ہمک ہندءِ بولی وتی شاعری ءِ تہا کارمرز کتگ انت ۔ آئیءَ شاعری ءِ کوہنیں روایت پروشتگ ءُ نوکیں روایتانی بُن ہشت ایر کتگ ۔ عطاشادءَ بلوچی ءَ ابید اردو ءَ ہم شاعری کتگ ءُ آئیءِ اردو شاعری وتی یک جتائیں ارزشت ءُ بستارے داریت۔ عطاشاد ءِ نبشتہ کتگیں کتابانی چواے وڑا اِنت : شپ سحار اندیم ، روچگر ، درین ، جوانسال ، ہفت زبانی لغت ، اردو بلوچی لغت ، سنگاب ، برفاگ ، اب جب نیند ورق اُلٹے گی ءُ دگہ بازیں عطا شادءَ 13فروری1997ءَ کوڑوئیں امروز یلہ داتگ ۔ ~ شرف شاد