مرچی ئیں زہگ
پس باندات ءِ
عاقبت اوستانی استارئے
روشنا، تو، چو ماہکاں باتئے
آسمان ءِ زر ءَ صداں استال
گوہریں درفشناکی ءَ دْرنزنت
بلے انگت تہار ماہیں شپ
درتگیں چادر ءَ را تالانیت
بیت ستر روشنائی شپ مانیت
ماہ تہنا ءُ یکوئیں ماہ انت
بلے پہ روشنائی ءَ راہ انت
عاقبت اوستانی ارواہ انت
شپ جتیں درفشناکی ءِ ساہ انت
بام ءِ مستاگ
سہُب ءِ سوغات انت
ماہ، تہنا ءُ یکوئیں ماہ انت
صداں استال بنت ءُ ماہ یک انت
بلے پہ روشنائی ءَ پکّ انت
مرچی ئیں زہگ
پس باندات ءِ
کلکشاں بئے کہ ماہکاں بئے تو
وتی ہڑدیں جیلی ءِ زند ءَ
شپ کناں بئے کہ ماہ زراں بئے تو
مرچی ئیں زہگ
پس باندات ءِ
عاقبت اوستانی استارئے
بلے، روشنا تو چو ماہکاں باتئے