ممتاز یوسف

شئر30

ممتاز یوسف ءِ شئر (20)

لِذّتاں مہر ءِ ءُ زند ءِ سُور ءُ آروسی غماں دل چو کلما نٹیں جنکءَ تلوسیت سہت ءُ دماں

درد ءِ نِیل بومیں زِر ءِ رنج ءُ عذاب ءَ دَرمیا واہگ ءِ بوجیگ چہ اوست ءِ تیاب ءَ دَرمیا

بیا کہ زِندمانی ءِ شپ اِنت کوراس دُردانگ بیا کہ بے تو پُرسیگ اِنت شپءِ ہر پاس دُردانگ

ترٛانگانی تئی ہما کہ داتگیں ٹپ نرم نرم ءَ کِنزاِتگ زُلف بُتک اَنت مَہوشانی ءُ پدا شپ نرم نرم ءَ کِنزاِتگ

زہیرءَ زَپت گُشنت ترٛانگ ءَ شکر نہ گُشاں حیال ءِ منزل ءَ مہرانی گنجیں دَر نہ گُشاں

گُلزمین منی لوگ ءُ آزمان منی شہر اِنت اے جہان منی بازار، آ جہان منی شہر اِنت

دیدگاں گوں ناز شانیت، پہ اَدب بچکند کنت ترٛانگانی نیپگانیں دل زہیر اِشکند کنت

تاں ہما روچ ءَ تئی دیما چہ یک کِر بُوتگاں زندگی ءِ سَہگریں راہ ءِ مسافر بُوتگاں