بیا کہ زِندمانی ءِ شپ اِنت کوراس دُردانگ
بیا کہ بے تو پُرسیگ اِنت شپءِ ہر پاس دُردانگ
نہ بیت تانکہ ماں اِمروز ءَ تئی مہرانی ساچانے
نہ دنت تاہیر مارا ہم شراب ءِ تاس دُردانگ
نشانے پَشت گیجاں من جہان ءِ کوہیں دِلبند ءَ
بیا تو اِنشپی باریں منا چکّاس دُردانگ
منارا نیکہ اِمروز ءُ بہشت ءُ جنّتی حُوراں
منا ہر شپ کہ رنجینیت تئی جیگءِ لاس دُردانگ
وتارا سر کناں روچے تئی مہر ءِ بہشت ءَ من
بہ بنت جمبور ستر اِے دوزہانی آس دُردانگ
من زاناں بارت ہوشام ءَ فقیریں زِندمانی ءِ
تئی لُنٹانی بچکند ءُ اَنارک ءِ واس دُردانگ