لِذّتاں مہر ءِ ءُ زند ءِ سُور ءُ آروسی غماں
دل چو کلما نٹیں جنکءَ تلوسیت سہت ءُ دماں
دُوری ءَ مہگونگ ءِ نیمونے بکشاتگ منا
دل نہ سہڑیت بزّگیں مُلّا پہ تئی چِٹّ ءُ دماں
مہرءِ بالینتیں چراگ من شَے مریدی کُڈّکءَ
چاکر ءِ ماڑی ءَ مان شانیت تہاری دلجماں
ہؤ پدا سرسبز بنت بّر ءِ کہیر، کیچ ءِ چنال
ما پدا گندیں زہیر نالیں کپوتانی رماں
پہ جہان ءِ شادہاں پاہو کتگ گُٹّ ءَ مدام
کئے گُشیت ممتاز منی سنگت جہان ءَ بے غماں