اے نگاھانی زبان انت ھمکّءَ پہ نہ انت
مہرءِ بندیک منی کینگءِ گُکءَ پہ نہ انت
کیپ بالادےءَ بالادےءِ تِنگگ براھیت
شہدیں اے تام تئی کُچليں نُکّءَ پہ نہ انت
راستی اِنت جاھلیءَ کانٹ رُدیت بِلےّ رُدیت
دل پٹانے منی دل بند مَدُکّءَ پہ نہ انت
دیردار بُنگرءِ تیلانکےءَ ھپت پُشتءَ کپئے
مئے بلوچی تئی مُشتءَ تئی مُکءَ پہ نہ انت
مَچءَ ایرءَ کہ اے مَچّانی براں تُرپشی نیست
ھمبوکے پَٹ کہ نیمونے پَپُکءَ پہ نہ انت
من نیاں جاڈو وتی لنکُکاں چمّاں بہ جناں
کول سر بُرّیں منی تاسُکیں چُکءَ پہ نہ انت
مہوشاں گونءَ گُلءِ زرد پہ گوازیءَ بلئے
یوسپءِ دل نی زولیکائیں بُتُکءَ پہ نہ انت