پہ کنگ باور ھمے یکیں گلگ داریت منءَ
من نیاں اے چوکہ اے آدینک پیشداریت منءَ
سرگراں تئی چارگءَ پہ ھاک مارا گوانک جنت
چم کجا پہ ھب بنت ءُ دل کجا کاریت منءَ
المءَ روچے مراں من پُر آ الّم جوڑ بیت
چنت جندءَ دار ءُ پیش کنت چنت مانداریت منءَ
است کسّے کہ منءَ چہ مانشءَ چہ در بہ کنت
است کسّے چہ ھدا ءَ پچ بہ گیپت بیاریت منءَ
تئی وتیگی تہمتانی آس جنت مہرءِ لداں
چہ درامد بے گلگ باں دل کہ ڈوباریت منءَ
گل اے دشت انت پیسرئے تو اے وڑا درکءَ مہ جنز
گوات چہ پاداں رُدیت تئی دنز سینگاریت منءَ