اندری کسہے نوک بیت ءُ پُرشیت
اے بری کسہے نوک بیت ءُ پُرشیت
آگہی ءِ غماں، کئیت واب ءِ وڑا
زندگی کسہے نوک بیت ءُ پرشیت
اے زمانگ وتی ھستی ءِ چیدگءَ
سرسری کسہے نوک بیت ءُ پُرشیت
دُرسیں دیوانگی تہ ھتم مار اتاں
بس تئی کسہے نوک بیتءُ پُرشیت
وائے وائے ھمے زانگ ءَ من نہ آں
سادگی کسہے نوک بیت ءُ پُرشیت
بید ءِ تو بے منی، بید ءِ من بے تئی
وت وتی کسہے نوک بیت ءُ پُرشیت
آھگ ءَ ایں بلے داد سرجم نہ بیت
شائری کسہے نوک بیت ءُ پُرشیت