روک چو کندیل ءِ پئیم ءَ وٹ بالان ءَ شُتگ
روژنائی اے کساس ءَ چم ءِ دیوان ءَ شُتگ
کئے تھاریءَ وتی کنت کئے ادءِ ھالءَ بگیپت
ھرکسے اتکگ اد ءَ ءُ آیگ ءِ میان ءَ شُتگ
من اگاں جنگے نہ کرزاں زرد پرچہ جنگ کاں
چینچو پُشتہ کِنز اتاں من آ کہ میدان ءَ شُتگ
ندر پہ تئی واھگءِ نام ءَ ھمے اُمر ایں کہ اِے
یک برے ارزانی ءَ رستگ پدا گران ءَ شُتگ
اود ءِ مردم انچُشاں کہ آ گوں لوگ ءَ مہرماں
داد اوں نابودے ءَ کہ اود ءِ کمپان ءَ شُتگ