بارگیں عُذرے بہ بَکشئے یا دگہ دردے پہ رَا
نِی تو ءُ تئی منصفی ءُ یار تئی کوہیں رضا
پٓلّویے اَرسے شہ عیناں پَلّویے آھے جزا
نِی ہما روچے مہ گَردی کہ مں گیراروں ترا
چاکر ءَ رِندی حسّد ءُ کِینگاں حونی کُتہ
اَنگہ براتی جیڑواں ہیسکارگا اِنت سَتگڑا
پیسر ءَ مہراں مُلوکیں دل مئے تاراج اِت اَنت
گِلّو اِنت میؔراں نِی اَژ من ' زَہر گرداں من جُدا
محرمے ، نہ مردمے دوستیں ، نہ یادی ولّرے
من اُوں ویراناں چو تئیگا لا شریکیں اے حُدا !