روچے ہلکے شپ کپتیں ما نرم بہوخیں جادانی
مئے چمّانی مُہرگ رِتک اَنت جیگاں لکّھ مُرادانی
داب کنان ءَ مہنازی تو دل مئے چو شہداد ءَ کُت
مرگو پاداں نمبگ ساز اِت ، شَکّاں گِپت سوادانی
سَنج بُجیت تئی احوالے نئے مرگاں زار قطاریناں
نپت کہ شَہمیت،چوڑ نہ جَنت تئی رو ءِ تنکّیں سْرادانی
چو فرعون ءَ چو نمرود ءَ یار حدائی ٹونک نہ کُت
تُرس نہ یَت اژ سیہ ماراں ہچ ، بیم دل ءَ یَت سادانی
بے حیری ءَ مئے امّیت ءِ دْراھیں بُستاں حالی کُت
دستانی انجیراں پَشّ اِت، سْرپت اَنت گْواڑغ پادانی
تہنائی دَزموش کنان ءَ میر مچاچاں ظاہر بیت
تئی یاتانی مہری بُتک اَنت لیڑو مَست روادانی