او بندر ءِ شاغیں پواد
مئے گوْستغیں وخت ءِ گواہ
مئے چیندغانی گُل زمین
مرشیغیں مونجھانی شریخ
ہچی مواتئی بُڑز غاں
تئی شف وہاوانی ملہار
تئی روش کیفانی خمار
تئی مائخاں ارواہ ءِ بال
تہا رماہ گُمانانی قرار
اوبِندر ءِ ساڑتیں پواد
ہچی مواتئی لوریاں
تئی کَور ھیلانی سبیل
تئی تَل وہاوانی گُمان
تئی کِشک شوقانی دلیل
سابست مستانی مراذ
او بِندر ءِ مستیں پواد
ہچی مواتئی عاشقاں
بِندر مئیں جاں ارواہ مئیں ساہ
مونجھیں شفے ءِ بامسار
تئی تل تَلاّ ن ءُ بُڑزغاں
بیوشتہ مدامیغیں بہار
اوبِندر ءِ شاغیں پواد
ہچی مواتئی مہرکاں
من تئی گنوخاں عاشقاں